दुर्लभका  गजल

रुद्र सापकोटा "दुर्लव"

दुई आँखा मिले भने माया बस्छ भन्छन,
अधेरीमा तारा पनि भुई खस्छ भन्छन ।

मिलन हुदा दुनियानै छुनुमुनु नाचिदिन्छ,
बिछोड हुदा मुटु भित्र झिर पस्छ भन्छन ।

सात जुनी किन चाहियो यही जुनी राम्रो भए,
विश्वासको डोरीले सम्वन्धलाई कस्छ भन्छन ।

जुन हेरे जुन राम्रो तारा हेरे तारा राम्रो,
फड्की हिड्ने आँखाले गोमन साप झै डस्छ भन्छन ।

हाँस्न पनि उही एउटा वाँच्न पनि उही एउटा,
दुर्लभ यो मायाको यही एउटा जस्छ भन्छन ।

===============

विशेषको गजल

- कृष्ण सापकोटा “विशेष”

साँचो माया लाएपछि बाचा कसम किन खानु

सिउदोलाई रगत छ सिन्दुर किन सानु

दुई मुटु एक भई एउटै धड्कन भएपछी

माया प्रेम देखाउन डराउने किन नानु

तिमि राधा म कृष्ण हामी दुवै संगै हुँदा

आशीर्वाद माग्नलाई मन्दिर किन जानु

हुन्छ भन तिमि अब  पन्चेबाजा घन्काउला

रमाइलो त्येही हुन्छ भगाएर किन लानु

साँचो माया लाएपछि बाचा कसम किन खानु

सिउदोलाई रगत छ सिन्दुर किन सानु